এই পৃষ্ঠাটোৰ বৈধকৰণ হৈছে
আছে, সছা, জগতত আনন্দ অনেক,
মাধুৰ্য্যেৰে পৰিপূৰ্ণ আছে স্বৰগত;
চেনেহী মাতৃৰ কিন্তু স্নেহৰ অৰ্দ্ধেক
মধুৰ নেদেখোঁ একো মোৰ জীৱনত॥
স্নেহময়ী মাতৃ মোৰ! তোমাৰ মৰম
হৃদয়-পটত মোৰ আছে থোৱা লিখি,
মৰতৰ শোক তাপ কৰি নিবাৰণ
বিভুৱে তোমাক যেন কৰে চিৰ সুখী॥
কি কৃতজ্ঞ মনে স্নেহ সুমৰোঁ তোমাৰ,
কত বাল্য স্মৃতি, মাতৃ! কৰোঁ আৰাধন
হাঁহি ঢালি দিয়ে যেন স্বৰগৰ দ্বাৰে,
অমৰী-সঙ্গত যেন হোৱাঁ সুখীমন॥
স্বৰ্গৰ জীৱন তযূ হোক শান্তিময়,
অশান্তিৰ ছঁয়া যেন না থাকে নৰয়॥
