এই পৃষ্ঠাটোৰ বৈধকৰণ হৈছে
পঢ়াবয়সত সেই তাহানিকালত,
আছিলো দুয়োটি আমি যেন একে-প্ৰাণ।
কি আহোঁতে, কি যাওঁতে চিৰ লগৰীয়া,
ভিন পৰ নাইকিয়া, একেই পৰাণ॥
গ’ল কিন্তু সেই কাল, সি সুখৰ দিন!
জীৱনৰ ভাল দিন অতীত-গৰ্ভত!
এই জন্মলৈ আৰু ঘুৰি নাহে সিটো,
ঘি গইছে গ’ল, ভাই! এই জীৱনত॥
গ’ল সেই কাল! কিন্তু আঁকে সোঁৱৰণি।
ধীৰে ধীৰে কিযে এটি স্মৃতি মনোহৰ।
মানস-পটত মোৰ, কিৰূপে বৰ্নাম?
হিতেশৰ শক্তি ভাই নাই বৰ্নাবৰ॥
সুখময়ী স্মৃতি সিটো বাল্য জীৱনৰ
অতুলন জগতত, মৰ জগতৰ॥
