এই পৃষ্ঠাটোৰ বৈধকৰণ হৈছে
আৰতিখণ্ড।
———
ঘোষা॥ ৰাম ৰঘু পতি॥
জীৱন ৰঘু পতি॥
পদ॥
উদয় বেলাৰ কথা সমাপিয়া থওঁ।
বিয়লা প্ৰসঙ্গ কৰে তাকে কিছু কওঁ॥
প্ৰথমে ভকতে নাম প্ৰসঙ্গ কৰয়।
অনন্তৰে বিপ্ৰসবে ভাগৱত কয়॥১৫৩
তাত পাছে ভক্ত সবে সংকীৰ্ত্তন কৰে।
বিয়াহ উঠিয়া পাছে বিষ্ণু পদ ধৰে॥
দিবসৰ ক্ৰম এবে থওঁ এহিমানে।
আৰু এক কথা কওঁ শুনা সাৱধানে॥১৫৪
অনন্তৰে অস্ত যেবে গৈল দিৱাকৰ।
শুনিয়োক কথা এবে সন্ধ্যা সময়ৰ॥
বিপ্ৰসবে শান্তি গৈয়া আচান্ত কৰয়।
বিধিমতে মাধৱৰ পূজা আৰম্ভয়॥১৫৫
