এই পৃষ্ঠাটোৰ বৈধকৰণ হৈছে
দৰ্শনখণ্ড।
—
ঘোষা॥
মাধৱ জয় হৰি।
যাদৱ জয় হৰি॥
পদ॥
নমো নমো অনন্ত সহস্ৰ মূৰ্ত্তিধৰ।
নমোহো স্বৰূপ ব্ৰহ্ম যাৰ কলেৱৰ॥
সহস্ৰ ৰশ্মিতো কৰি জলে তনুবৰ।
জগত বিধান কৰ্ত্তা হয়-ৰূপ-ধৰ॥৮১
বিপুল শৰীৰ যাৰ শুদ্ধ কৰ্ম্মচয়।
সমস্ত বিশ্বৰে দুঃখ সকলে হৰয়॥
সমস্ত আদিত্য বহ্লি প্ৰভা অতিশয়।
নমো প্ৰভো! হয়গ্ৰীৱ দেৱ কৃপাময়॥৮২
অনাদি অচ্যুত দেৱ হৰি শেষ শায়ী।
প্ৰভু সৰ্ব্বভূত পতি মহেশ গোসাঁই॥
প্ৰাণপতি, লোকপতি, জগতৰ পতি।
ধৰাপতি ভূতপতি সদা কৰোঁ নতি॥৮৩
