এই পৃষ্ঠাটোৰ বৈধকৰণ হৈছে
[ ৭০ ]
অং, হ্ৰীং, লং, জং ফট স্বাহা॥
[ দীঘল কৈ ফু মাৰি গাত সৰিয়হ চতিয়াই দিয়ে।]
মা, নিৰণ—ৰ, ৰ, ভণ্ড বাজীকৰ, মই বলিয়া নহওঁ।
মালতী—দেহি ঐ! নহলে তো ভালেই।
মা, নিৰণ—বেটী, এই কেটাই তোৰ পৈয়েৰ নে কি? ইহঁতকে লৈ তই আজি দুপৰীয়া দুৱাৰ ডাঙ্গদি, ভোজপাতি, খিকিন্দালি মাৰি আছিলি! মই ইমানকৈ মাতিলতো মোক সোমাব নিদিলি!
মালতী—ডাঙ্গৰীয়া! ঈশ্বৰে হে জানে আপুনি আজি ঘৰত ভাত খাইছিলে নে নাই। আপুনি ইমান পৰ ঘৰত থকা হেতেন এই অপমান আৰু লাজৰ হাত সাৰিব পাৰিলে হেতেন।
মা, নিৰণ—মই ঘৰত ভাত খাইছিলোঁ! পাপিষ্ঠ, তই কি ক?
মা, কলি—হয়, দেউতা, আজি সঁচাসঁচিকৈয়ে ঘৰত ভাত খোৱা নাই।
মা, নিৰণ—আজি মোক সোমাবলৈ নিদি দুৱাৰ মাৰি খোৱা নাই নে?
মা, কলি—হয়তো, দুৱাৰ মাৰি থৈ সোমাবলৈ নিদিলে।
মা, নিৰণ—আৰু তাতে তাই মোক গালি পৰা নাই নে?
