এই পৃষ্ঠাটোৰ বৈধকৰণ হৈছে
[ ৫৮ ]
বলৈ যাওঁতে দেখোন তেওঁ হে মোৰ প্ৰেম-ভিক্ষা কৰিব খোজে।
মালতী—কি কৰি নো তেওঁ তোৰ প্ৰেম পাবলৈ আশা কৰিলে?
তৰা—সচৰাচৰ মানুহে যেনেকৈ কৰে। তেওঁ প্ৰথমে মোৰ ৰূপ বখানিলে, তাৰ পাচত মোৰ কথাক প্ৰশংসা কৰিলে।
মালতী—তই কিবা মধুৰ-কথা কৈছিলি নে কি?
তৰা—বিতত নহবা চোন?
মালতী—নহৈ নোৱাৰোঁ, হমেই হম। মোৰ মনৰ আশা পূৰ নহলে তেও মুখৰ হেপাহ পলাব। তেওঁ নো দেখিবলৈ কি টো? খেৰৰসনি ভাল যেন। বেকামুৱা, বুঢ়া শগুণা গাটো তিনি-ভেঙ্গুৰা। গঢ়ৰ ফালে তো সেই। ইপিনে আকৌ নিব্বোধ, অভদ্ৰ, পাপী, ভোদা, নিমৰম। শৰীৰত গঢ় নাই মনতো অধম॥
তৰা— তেনে হলে এনে জনলৈ নো কাৰ মন যাব। তোমাৰ আপদ গল ভাল হল। এতিয়া বেজাৰ কৰিছা কিয়?
মালতী—মুখৰে কলেও পেটে নসহে নহয়। মুখৰে যদিও শাও-সপনিকে দিছোঁ, মনেৰে তেওঁৰ কেনেকৈ ভাল হব ইয়াকে হে চিন্তিছোঁ।
