এই পৃষ্ঠাটোৰ বৈধকৰণ হৈছে
৭৬
ভটিমা
হৰি গুণ নাম ধৰম অনুপাম।
যাকেৰি থিৰ মন মুকুতিক কাম॥
কয় মন থিৰ জপহু ৰাম ৰাম।
মাধব কহু ডাকি বোলহুঁ ৰাম॥
⸻
প্ৰাতু সময়ে যশোৱা জননী
মুখ চুম্বিত শ্যাম জগাৱনকো॥
উঠ মেৰে লাল মদন গোপাল
আবে তেৰে গোৱাল বলাৱনকো॥
অব রুটীয়া লেহু মাখন চঞ্চ পূৰি
মুৰৰী লেহু শ্যাম বজাৱনকো।
বৃন্দাবনে যাহি আনন্দ কৰূ
যমুনা তটে ধেনু চৰাৱণকো॥
ছোড়ি ভুবন চলহু নন্দ নন্দন
গোধন চৰণ কাৰণ ৰে।
দাম সুদাম সখা সব মিলত
আনন্দে গোবিন্দ খেৰি খেলাৱত ৰে॥
