এই পৃষ্ঠাটোৰ বৈধকৰণ হৈছে
৯৫
দ্বিতীয় বিৰচন
তথাপিতো হৃদী -শ্বৰ নাৰায়ণে,
দিলা যেন মোক মতি।
সেহি অনুৰূপে, ভক্তি-ৰত্নাৱলী
ৰচিলো পদ সম্প্ৰতি॥৪৪৪॥
তুমি সবে আত, নিন্দা নকৰিবা,
মোক মূৰ্খ হেন জানি।
কোননো মহন্ত, পণ্ডিতে মূৰ্খক,
বুলি আছে নিন্দাবাণী॥
যদি নিন্দা বাণী, বোলো তথাপিতো,
মোৰ হানি নাহি কাজ।
কিন্তু পৰমাৰ্থে, মূৰ্খক নিন্দিয়া,
পণ্ডিতেসে পাৱে লাজ॥৪৪৫॥
যি হোক সি হোক, ই কথা থাকোক,
আপোনাৰ চিন্তা হিত।
অলস ত্যজিয়া, ভজিয়ো হৰিক,
তৰিবা যেবে কলিত॥
হৰি গুণ নাম, শ্ৰৱণ কীৰ্ত্তন,
বিনে ধৰ্ম্ম নাহি আন।
ত্যজি আন কাম, বোলা ৰাম ৰাম,
পাইবা বৈকুণ্ঠত স্থান॥৪৪৬॥
⸻০⸻
