এই পৃষ্ঠাটোৰ বৈধকৰণ হৈছে
৯৪
ভক্তি-ৰত্নাৱলী
সগুণ নিৰ্গুণ, ভকতি প্ৰকাশে
প্ৰকাশে চক্ষু অপাৰ॥৪৪১॥
এতেকে সন্তেসে, দেৱতা বান্ধৱ,
আত্মাময় মহেশ্বৰ।
মহন্তে সহিতে, অণুমাত্ৰ মোৰ,
নাহিকে জানা অন্তৰ॥
হেন জানি নৰে, মহন্তৰ সঙ্গে,
কৰোক মোত ভকতি।
সাধু সঙ্গ বিৰ -চন কথামৃত,
এহিমানে সমাপতি॥৪৪২॥
শুনা সভাসদ কৃষ্ণৰ মুখৰ,
বচন বেদৰ সাৰ।
পূৰ্ব্বাপৰ ইটো, কথা হুই নূই,
দেখিয়ো কৰি বিচাৰ॥
ভাগৱত ক্ষীৰ -সাগৰ মথিয়া,
বিষ্ণুপুৰী মহামতি।
ভক্তি-ৰত্নাৱলী, অমৃত প্ৰচাৰ,
কৰিলা লোকক প্ৰতি॥৪৪৩॥
ইহাৰ অৰ্থত, মহাজন যত,
তেসম্বো হন্ত বিস্ময়।
আমি অতি মহা মূৰ্খতো অধম,
আমাক কোনে গণয়॥
