এই পৃষ্ঠাটোৰ বৈধকৰণ হৈছে
২৩৫
দশম বিৰচন
আছে আনো সংসাৰভ বস্তু যত যত।
কৃষ্ণক দেখিব মাত্ৰ মনে সমস্তত॥১১০৩॥
হৰিৰ শৰীৰ ইটো হেন বুদ্ধি কৰি।
সবাহাঙ্কে নমস্কাৰ কৰিব সাদৰি॥
এতেকে কৃতাৰ্থ কৃষ্ণে কৰিব সম্প্ৰতি।
নমস্কাৰ বিৰচন ভৈল সমাপতি॥১১০৪॥
⸺
দশম দাস্য বিৰচন
পদ
আৰম্ভিলো বিৰচন আত অনন্তৰ।
দাস্য ভাব নিৰূপণ কৰোহো কৃষ্ণৰ॥
পৰম কৃতাৰ্থ শ্ৰীকৃষ্ণৰ দাস যত।
কোনে কহিবেক তাৰা সবৰ মহত্ত্ব॥১১০৫॥
যাৰ কৃষ্ণ আদি নাম শ্ৰৱণ মাত্ৰকে।
নিৰন্তৰে নৰে হোৱে নিৰ্ম্মল এতেকে॥
