এই পৃষ্ঠাটোৰ বৈধকৰণ হৈছে
১৭৫
পঞ্চম বিৰচন
সেহি শৰীৰতে অতি হোৱে শ্ৰেষ্ঠতম।
নাহি সংসাৰত আৰ শ্ৰেষ্ঠ তাক সম॥৮১৩॥
তপ হোম দান সদাচাৰ তীৰ্থ ব্ৰত।
যজ্ঞ যাগ বেদ পাঠ আদি ধৰ্ম্ম যত॥
শুদ্ধ ভাৱে জন্মান্তৰে কৰিয়া আছয়।
তযু নাম কীৰ্ত্তনে দেখিয়ো ভাগ্যোদয়॥৮১৪॥
যতেক সুকৃতি আছে ইটো সংসাৰত।
হৈয়া আছে নাম কীৰ্ত্তনৰ অন্তৰ্গত॥
এহি হেতু কৰে যিটো নামৰ কীৰ্ত্তন।
জগতৰে পূজ্যত্তম ভৈল সিটোজন॥৮১৫॥
এহি মানে দেৱহুতি বচন সংহৰি।
দেখাইলো কীৰ্ত্তন সৰ্ব্ব জাতি উপকাৰী॥
সবে আশ্ৰমীৰে অধিকাৰ কীৰ্ত্তনত।
দেখাওঁ সাক্ষাতে ভগৱন্তৰ বাক্যত॥৮১৬॥
গৃহাশ্ৰম সুখে আসকতি অতি চিত্ত।
বেদৰ নিষিদ্ধ কৰ্ম্ম নকৰে কিঞ্চিত॥
নেয় কাল অন্যোঅন্যে কহি মোৰ কথা।
সিটো গৃহে পুৰুষকো নবান্ধে সৰ্ব্বথা॥৮১৭॥
যিহেতু সিসব গৃহে ভকতি সাধয়।
নলাগে এড়িবে থাকিবাৰ যোগ্য হয়॥
বিষয়ীৰো সাধে গতি কীৰ্ত্তনে সাক্ষাত।
আনৰ সাধিবে গতি কি কহিবো আত॥৮১৮॥
