এই পৃষ্ঠাটোৰ বৈধকৰণ হৈছে
১৫৬
ভক্তি-ৰত্নাৱলী
সিটো প্ৰায়শ্চিত্তে শুদ্ধি নকৰে সিমতে।
নাম উচ্চাৰন্তে পাপ গুচে যেন মতে॥
শুন দূত নামৰ মহিমা বিপৰীত।
নেৰে নামে পুৰুষক কৰাই প্ৰায়শ্চিত্ত॥৭৩৩॥
উত্তম শ্লোকৰ আছে গুণ গণ যত।
তাকো আনি নামে মিলাৱয় পুৰুষত॥
আন প্ৰায়শ্চিত্তে যদি পৱিত্ৰ কৰয়।
কদাচিতো পাতকৰ বীজ নুগুচয়॥৭৩৪॥
প্ৰায়শ্চিত্ত কৰিও পাপক ধাৱে মনে।
বীজ নষ্ট কৰিবাক চাহে যিটোজনে॥
হৰি গুণ নাম মাত্ৰ কৰোক কীৰ্ত্তন।
কৰয় প্ৰভুৰ নামে চিত্তক শোধন॥৭৩৫॥
গুচাইলো সংশয়চয় তোহোৰ মনৰ।
কৰোহো আদেশ শুন যমৰ কিঙ্কৰ॥
নিনিবি দ্বিজক তই পাপৰ পথক।
মৰন্তে লৈলেক ইটো হৰিৰ নামক॥৭৩৬॥
কৰিলেক প্ৰায়শ্চিত্ত নিঃশেষ পাপৰ।
উচ্চাৰিল নাৰায়ণ চাৰিও অক্ষৰ॥
এতেকে মুকুতি দ্বিজে পাইলে হেন জান।
নাম এক দশ কৰে পাপক নিৰ্যান॥৭৩৭॥
যি বুলি লৈলে নাম মৃত্যু সময়ত।
নুপজিল পাপ পুনৰপি ব্ৰাহ্মণত॥
