এই পৃষ্ঠাটোৰ বৈধকৰণ হৈছে
১৩৮
ভক্তি-ৰত্নাৱলী
তোমাৰ চৰিত্ৰ কথাৰস কৰি পান।
তৰিবো বাসনা সমে যতেক অজ্ঞান॥৬৫৫॥
এহিমানে থৈলো উদ্ধৱৰ বচনক।
বুলিবা বিচাৰ কৰি কৰ্ম্ম অকৰ্ম্মক॥
নিৰ্ণয় জানিয়া আক এৰিবাহা পাচে।
অন্যথা এৰিলে আত মহাদোষ আছে॥৬৫৬॥
ইহাৰ সিদ্ধান্ত লৈয়ো বচনে কৃষ্ণৰ।
বুজাই উদ্ধৱত কহি আছে দামোদৰ॥
যাহাৰ ভোগত নতো হোৱে বিৰকতি।
স্বৰ্গাদিৰ অৰ্থে কৰ্ম্ম কৰিব সম্প্ৰতি॥৬৫৭॥
ইন্দ্ৰিয়ৰ ভোগে বিৰকতি ভৈল যাৰ।
নিত্য নৈমিত্তিক কৰিবাক লাগে তাৰ॥
ভৈল যাৰ শ্ৰদ্ধা মোৰ কথা-শ্ৰৱণত।
নিত্য নৈমিত্তিক আদি কৰি কৰ্ম্ম যত॥৬৫৮॥
কথাৰ বিৰোধী জানি ত্যজিবে সকল।
সমস্তে কৰ্ম্মৰ কথা-শ্ৰৱণসে ফল॥
কৃষ্ণৰ বচন চয় থৈলো এহিমানে।
ইহাক কৰোহো স্পষ্ট শৌনক বচনে॥৬৫৯॥
মহা বিৰকত শৌনকাদি ঋষি যত।
কৰন্ত বিদিত সবে সূতৰ আগত॥
শুনিয়োক সূত কহো তোমাত স্বৰূপ।
কৰো আমি সবে ইটো কৰ্ম্ম সূত্ৰ ৰূপ॥৬৬০॥
