এই পৃষ্ঠাটোৰ বৈধকৰণ হৈছে
৭১
বৈষ্ণৱী কীৰ্ত্তন।
হওঁ অনুকূল মই প্ৰচণ্ড বতাস।
তিলেক নলাগে দহি কৰো সৰ্ব্বনাশ॥
কৃষ্ণৰ কিঙ্কৰে কহে এড়া আন কাম।
কৃষ্ণ শত-নাম স্মৰি বোলা ৰাম ৰাম॥
অষ্টোত্তৰ শতনাম।
জয় জয় গোবিন্দ গোপাল গদাধৰ।
কৃষ্ণচন্দ্ৰ দয়া কৰা কৰুণাসাগৰ॥
জয় ৰাধা গোবিন্দ গোপাল বনমালী।
শ্ৰীৰাধাৰ প্ৰাণধন মুকুন্দ মুৰাৰি॥
হৰি নাম বিনেৰে গোবিন্দ নাম বিনে।
বিফলে মনুষ্য জন্ম যায় দিনে দিনে॥
দিন গৈল মিছা কাৰ্য্যে ৰাত্ৰি গৈল নিদ্ৰে।
নভজিলো ৰাধা-কৃষ্ণ চৰণাৰবিন্দে॥
কৃষ্ণ ভজিবাৰ হেতু সংসাৰে আসিলো।
মিছা মায়ায় বদ্ধ হুয়া বৃক্ষ সম হৈলো॥
ফলৰূপে পুত্ৰ-কন্যা ডাল ভাগি পৰে।
কালৰূপে সংসাৰত পক্ষী বাসা কৰে॥
যেতিয়া জন্মিল কৃষ্ণ দৈৱকী উদৰে।
মথুৰাত দেৱগণে পুষ্পবৃষ্টি কৰে॥
