এই পৃষ্ঠাটোৰ বৈধকৰণ হৈছে
৪০
বৈষ্ণৱী কীৰ্ত্তন।
মাধৱ মাধৱ মাধৱ মধুৰিপু।
গোবিন্দ কৃষ্ণ হৰি হৰি ৰাম॥
নাৰায়ণ নিৰঞ্জন নিৰাকাৰ নিৰাময়।
মুৰাৰি এ হৰি হৰি ৰাম॥
প্ৰাণ গোপাল দিনবন্ধু নাৰায়ণ।
হে হে পৰম গুৰু পুৰুষুত্তম, হৰি পুৰুষুত্তম।
পুৰুষুত্তম পুৰুষুত্তম জয় পুৰুষুত্তম॥
হৰি হৰি হৰি হৰি হৰি হৰি হৰি
কি কাম কৰিলো আমি।
সাধু সঙ্গ লৈয়া তোমাক নভজি
ভৈলো কিনো অধোগামী॥
নিজ দাস হুয়া সেৱাক তেজিলো।
এহি দোষে ঘোৰ আপদে মজিলো॥
তুমিসি শুদ্ধ আত্মা প্ৰিয়তম।
তথাপি তোমাক নজানো অধম॥
তুমি নিজ পিতৃ গুৰু ইষ্ট মোৰ।
মই মন্দমতি ভৈলো সেৱাচোৰ॥
অধমকো ভাবে তোমাৰ ভকতি।
তথাপি তোমাক নভজো কুমতি॥
ইষ্টদেব বুলি তোমাক নধৰো।
নিকাৰ ভুঞ্জিয়া সংসাৰতে মৰো॥
