এই পৃষ্ঠাটোৰ বৈধকৰণ হৈছে
৬৬
বৈদেহী-বিচ্ছেদ।
মিছাতেই আছোঁ মই।
অযোধ্যাত আজি যুদ্ধৰ ঘোষণা,
শত্ৰু ভয়ে ভীত অযোধ্যাৰ ৰজা,
ধিক এনে ৰজা!
যুদ্ধ ভীরু ৰজা!
এই তীক্ষ্ণ তৰবাৰি, এই তীক্ষ্ণ শৰ,
নিশ্চয় নিজৰ বক্ষে কৰিম প্ৰহাৰ,
যদি নকৰোঁ সমৰ।
সৌৱা, আহিছে সেনা,
বাজিছে বাজানা,
সকলো উন্মত্ত ৰণ ৰণ কৈ;
এতিয়াও সাজোঁ মই,
লওঁ ধনুৰ্ব্বান,
নিশিত কৃপাণ,
কৰোঁগৈ যুদ্ধ ভীম পৰাক্ৰমে।
সুগ্ৰীৱ—প্ৰভুৰ অনুগ্ৰহ হলে অধীন সুগ্ৰীৱেও প্ৰভুৰ লগতে যুদ্ধ যাত্ৰা কৰিবৰ ইচ্ছা কৰিছিল।
ৰাম—যদি একান্তই ইচ্ছা হৈছে ওলাওক।
বিভীষণ—প্ৰভু! আমাৰ ওপৰতো যেন এনে অনুগ্ৰহ দেখুৱা হয়।
হনুমান—প্ৰভু! দাসো যুদ্ধলৈ যাব খুজিছিল।
ৰাম—ইচ্ছা হয় ওলাব পাৰে, কিন্তু ৰাজ্য বীৰ শূন্য হব নালাগে।
