এই পৃষ্ঠাটোৰ বৈধকৰণ হৈছে
৪৭
বৈদেহী- বিচ্ছেদ।
ৰাম—সুন্দৰ লেখা হইয়াছে। বাৰু বোপা! তুমি এতিয়া যোৱাঁ৷ দ্বিগ্বিজয় কৰি আহি যেন কুশলে মোৰ ওচৰ পোৱাহি।
(সশন্ত্ৰে লক্ষণৰ ৰামক প্ৰণিপাত আৰু সৈন্যৰ গীত বাদ্যাৰম্ভ।)
গীত।
বোলা, বোলা, বোলা ভাই,
মুখে ৰঘুনাথৰ জয়।
জয় জয় জয় জয়, জয় লক্ষ্মণৰ জয়॥
ঢাঁ, ঢাঁ, ঢাঁ,ঢাঁ বাজে জয় ঢাঁক,
ঢোঁট্ ঢোঁট্ শবদত জগত অবাক,
পেঁ-পোঁ পেঁ-পোঁ কালীৰ চিঞৰ ,
কেঁ-কু-কেঁ—কু বীণাৰ সুস্বৰ,
বাজে মৃদঙ্গ দুন্দুভি ভেৰী মন উদগাই॥
(ৰণবাধ্য ধ্বনি কৰি লক্ষ্মণৰ সসৈন্যে প্ৰস্থান)
⸺
দ্বিতীয় গৰ্ভাঙ্ক।
দৃশ্য-যজ্ঞক্ষেত্ৰ।
(ৰামচন্দ্ৰ মুনিসকলৰ পাদ বন্দনাত নিযুক্ত।)
ৰাম—প্ৰভুসকল! লক্ষ্মণ বোপাৰ কিবা অসুভ ভাবনাই দেখোঁ হঠাৎ মোৰ হৃদয় অধিকাৰ কৰিলে। সুখ-আশালতা দেখোঁ গুৰিতে ছিগা ছিগা যেন অনুভৱ হৈছে। উঃ বুকুখন ঢপ্ ঢপাইছে কিয়?
( তললৈ মূৰকৈ চিন্তা)
