এই পৃষ্ঠাটোৰ বৈধকৰণ হৈছে
৩০
বৈদেহী-বিচ্ছেদ।
পতি প্ৰাণা,
সতীৰ আদৰ্শরূপা,
অতি দয়াৱতী।
নিষ্কলঙ্ক
ইক্ষাকু কুলৰ
কলঙ্ক মোচন হেতু ৰামে
বামাঙ্গ বৰ্জ্জন কৰি
সাধিলে প্ৰজাৰ হিত।
হে সূৰ্য্যদেব।
গভীৰ অৰণ্য মাজে,
পঞ্চ মাস গৰ্ব্ভৱতী
সীতাৰ ৰক্ষাৰ ভাৰ
অৰ্পিলোঁ তোমাক।
হে বনদেবী!
অযোধ্যাৰ ৰাজৰাণী
সখীয়া তোমাৰ,
লক্ষ্মীৰূপা জানকীক
ৰাখিবা কুশলে।
হে বায়ুদেৱ!
পতিৰ বিৰহ শোকে
অধীৰা সীতাক তুমি
অনুগ্ৰহ প্ৰদৰ্শাবা
মলয় ব্যজনে।
