এই পৃষ্ঠাটোৰ বৈধকৰণ হৈছে
৬৮
বেজবৰুৱা বংশাৱলী
এক কন্যা দুই পুত্ৰ লীলাৱতী এৰি।
স্বামী বিদ্যমানে গৈল প্ৰাণ পৰিহৰি॥
যোগবালা কন্যা পুত্ৰ প্ৰথম দেবেন্দ্ৰ।
কনিষ্ঠ তনয় নাম খৈলন্ত উপেন্দ্ৰ॥
টুঙ্কেশ্বৰ বৰ কটকীৰ পুত্ৰ হীৰা।
বিহাইলন্ত যোগবালা কাৰ্য্যত তৎপৰা॥
পুত্ৰ এক সমে যোগবালা হিৰাজায়া।
পিতৃগৃহে আছে পুত্ৰ সহিতে বঞ্চিয়া॥
গোবিন্দে বিবাহ আৰ নকৰি সমূলি।
মহাসুখে বঞ্চে নিজ কাৰ্য্য প্ৰতিপালি॥
খঙীয়া ফুকন পুত্ৰ কুলনাথ সুতা।
ইন্দুমতী নাম পূৰ্ব্ব পত্নীৰ দুহিতা॥
বিনন্দে বিহাইলে সেই কন্যা ইন্দুমতী।
পঞ্চকন্যা তিনি পুত্ৰ প্ৰসবাইলা সতী॥
প্ৰথমা যামিনী দুৰ্গেশ্বৰী যে অপৰ।
কামিনী কমলেশ্বৰী ভুবনেশ্বৰী পৰ॥
প্ৰথম তনয় মৰে আছে দুইজন।
আনন্দ মাধৱ নাম পৰম শোভন॥
দৈচিঙীয়াৰ প্ৰেমধৰ নাম মহাশয়।
তাহাৰ তনয় নীলধৰ নাম কয়॥
জ্যেষ্ঠা কন্য়া যামিনীক বিবাহ কৰিল।
স্বামী পদ সেবী দেবী আনন্দে ৰহিল॥
