এই পৃষ্ঠাটোৰ বৈধকৰণ হৈছে
৩৪
বেজবৰুৱা বংশাৱলী
বিৱা ধৰ্ম্মত আতি আশ্ৰয়ক কৰি।
বিষ্ণু পাদোদকে স্নানি পুৰুষ উদ্ধাৰি॥
মহাক্ষেত্ৰ স্থান সত্ৰ সমস্তকে সেবি।
পুৰুষউত্তম ক্ষেত্ৰে গৈয়া সিটো দেবী॥
পঞ্চতীৰ্থ কৰি কৃষ্ণমূখক দেখিলা।
কৰ্ম্মবন্ধ ত্যাগি হৰিভক্তিক লভিলা॥
মহাশান্ত শিষ্টসব সেবিয়া বহুত।
পিতৃদেৱ চৰণত তুষি যথোচিত॥
পৰম কৃপালু গুৰু সেৱাৰ বলত।
অঘ্ৰায়ণ মাসে কৃষ্ণ ষষ্ঠী উপগত।
ৰামনাম জপি ভক্ত জ্ঞাতিৰ অগ্ৰত।
প্ৰাণ ছাৰি বিষ্ণুলোকে ভৈলা উপগত॥
তাহাৰ অনুজ্ঞা বিনাই দেবী মহাসতী।
গঙ্গাৰাম দ্বিজে তাঙ্গ বিবাহিলা আতি॥
বাসুদেৱ নাম বৰ পূজাৰি বিখ্যাত।
তানসুত তাহাকেসে জানিবা প্ৰখ্যাত॥
পতিপুত্ৰ সমন্বিতে মৃত্যু হৈয়া গৈলা।
সংসাৰ মধ্যত কিছু জঞ্জাল নৰৈলা॥
যিটো কুন্দাই দেবী মহাৰূপেগুণে খ্যাতি।
স্বধৰ্ম্ম আশ্ৰয় কৰি আছয় সম্প্ৰতি॥
কাকতীয়া ঘৰৰ যে দ্বিজ মহাশয়।
আঠগঞা হাজাৰি বৰতামুলী কয়॥
