এই পৃষ্ঠাটোৰ বৈধকৰণ হৈছে
২৫
বেজবৰুৱা বংশাৱলী
মহা ধৰ্ম্মশীল পৰম বিপুল
গুণগণে অখণ্ডন॥
গোত্ৰ মধ্যে শ্ৰেষ্ঠ পৰম গৰীষ্ঠ
প্ৰতিপালি জ্ঞাতি বংশে।
বৈদ্যৰ বৰুৱা অঙ্গদাখ্যাধৰ
অদ্যাপি লোকে প্ৰশংসে॥
গুণযশ ৰাশি কৰিলা প্ৰকাশি
ৰজা প্ৰজা সমস্ততে।
পাইয়া মহামান্য কৈলা নানাপুণ্য
যাক কহে শিষ্ট সন্তে॥
জ্যৈষ্ঠ যে মাসতে কাল উপগত
কৃষ্ণপক্ষে দিৱসত।
হৰিৰ বাসবে আয়ুস অন্তরে
বিষ্ণুলোকে উপস্থিত।
তান ভাৰ্য্যা দুই অতি শুভনয়
সুধৰ্ম্মা ৰোহি আৱৰ।
ৰোহি সুত নাই সুধৰ্ম্মাৰ ত্ৰয়
ভৈলা অতি দিব্যকাৰ॥
পিতামহী জেষ্ঠা পৰম গৰীষ্ঠা
সুধৰ্ম্মা নাম প্ৰকাশ।
মাঘমাস দিবা পৌৰ্ণমাসী পায়া
পাইলেক বিষ্ণুৰাবাস॥
