এই পৃষ্ঠাটোৰ বৈধকৰণ হৈছে
২৩
বেজবৰুৱা বংশাৱলী
কন্যা হেমকান্তী ভেলাইবেসে ঘৰে দিল।
কানুৰাম দ্বিজে পৰি প্ৰাণক ছাৰিল॥
সিসবৰ কথা মই স্পষ্ট কৰি অতি।
যাৰ যেন কথা শুনি আছিলোঁ প্ৰকটি॥
অভি বৰুৱাৰ সুতা যিটো তিনিজনা।
দেহুতী বানাই আৰু কুৱাই নাম শুনা॥
কুৱাইক বিবাহিল অগ্নি মহাজনে।
দেহুতী মাহৰা সত্ৰে পৰিল যতনে॥
আহতৰ গুৰিৰ চান্দবয়ন মহন্ত।
বানাই কন্যাক তেহোঁ বিহা কৰিলন্ত॥
নৰদেৱ আৰু বাসুদেৱ পুত্ৰ ভৈল।
তাহাৰাৰ দুই পুত্ৰ প্ৰভবি ৰহিল॥
নৰদেৱ সুত কানুৰাম মহাশয়।
বাসুদেৱ হন্তে বংশী অদ্যাপি আছয়॥
সিটো বানাইৰ পুত্ৰী কুন্দাই নামা সতী।
মলিয়া বৰুৱা লক্ষ্মী বিবাহিলা তৈতি॥
পুত্ৰ প্ৰিয়ৰাম পূৰ্ণকাম মহাশয়।
নিজালয়ে বাস কৰি অদ্যাপি আছয়॥
তাহাৰৰ ভগিনী তৃতয় নিৰুপমা।
চন্দ্ৰিকা যে পদ্মাৱতী অন্নদা সুষমা॥
শিয়ালমৰীয়া যে মাধৱ মহাজন।
চন্দ্ৰিকাক নিলা কৰি পৰম যতন॥
