এই পৃষ্ঠাটোৰ বৈধকৰণ হৈছে
৯৬
বেজবৰুৱা বংশাৱলী
ৰামেশ্বৰ কলিচেঙ বৰুৱা তনয়।
দেবেশ্বৰ বৰুৱা পৰম সুবিনয়॥
সুতা হেমদাক যোগকান্ত পৰিনিলা।
নিঃসন্তানে যোগকান্ত প্ৰাণ পৰিহিলা॥
উৰ্ব্বীধৰ বৰুৱা আত্মজ শশিধৰ।
তাৰ সুতা ৰুদ্ৰকান্তে বিবাহে অপৰ॥
দুই পুত্ৰ এক কন্যা সতী প্ৰসবিলা।
ৰামপ্ৰসাদ বিষ্ণুপ্ৰসাদ মাইচেনী ভৈল॥
ঢাপ কটা—সৰু সত্ৰ গোসাঁই তনয়া।
বিবাহে তুলসীকান্ত পুত্ৰ আছে হৈয়া॥
মুকলিমূৰীয়া কালীবল্লভ গোসাঁই।
তাৰ সুতা খগকান্তে বিবাহে তথায়॥
শেষ দুই পুত্ৰৰ বিবাহ নাই ঘটা।
সমাপিলো এবে চন্দ্ৰকান্ত বংশ কথা॥
গঙ্গাই বৰুৱাত্মজ বাপুৰাম সুত।
জনাৰ্দ্দন বৰুৱা শ্ৰীমন্ত গুণযুত॥
ৰাৱণ ঘৰৰ কন্যা বিবাহে শোভন।
তিন পুত্ৰ চাৰি কন্যা ভৈল উতপন॥
সোমেশ্বৰ জ্যেষ্ঠ পৰে মহেশ্বৰ ভৈল।
কনিষ্ঠ পুত্ৰৰ নাম চন্দ্ৰনাথ থৈল॥
উৰ্ব্বীধৰ বৰুৱাৰ পুত্ৰ ৰঘুনাথ।
বিবাহিল জ্যেষ্ঠা কন্যা জানিবা সাক্ষাত॥
