এই পৃষ্ঠাটোৰ বৈধকৰণ হৈছে
◇ বিহুগীত ◇ ১২৬ ◇
(৫)
হুঁচৰি বাই ঐ হাদৈ হিয়া
চাদৈ চকলাক বিয়া কৰি নিয়া।
চিচিলিক লাই হেনু চিচিলিক লাই
চিৰিমিৰি কটাৰীয়ে গুৱা কাটি খাই।
মিৰি গাঁৱৰ মিৰিয়নী চাঙে চাঙে নাচে
খিৰিং ৰজাই ঢোল বাই নাগিনীয়ে নাচে।
কটা নাকত ফটাকানি কিহৰ ঢাকনি
যাচি যদি নেযায়েই কিহৰ ৰান্ধনী
বাই থাক বাই থাক চাপক নেচাপক ঘাট
মাতক নেমাতক লুৰুপীয়ে লগাই যাওঁ মাত।
গৈ থাক গৈ থাক বাটকুৰি বাই
হেমালী ৰাজ্যত ধেমালি কৰো ৰহিমলাক পাই।
কোন সাধু কোন চোৰ বিত পালে মিছা
যোৱন কালত জাত নাই যেনেকুৱা ইচ্ছা।
চিলিলিক লাই ঐ চিলিলিক লাই
ডাল ভাঙি ফল খালে হলৌ বান্দৰাই।
কাজীয়ে কাপোৰ পিন্ধে ঘমঘমাই যাই
অকাজীয়ে ধুন মাৰে গাত কাপোৰ নাই।
মোৰ পো অজলা খাই কেচা লোণ
বেৰফালি চাইজুমি ছোৱালী জনী কোন॥
— সমাপ্ত —
