এই পৃষ্ঠাটোৰ বৈধকৰণ হৈছে
◇ বিহুগীত ◇ ১০৭ ◇
মাঘৰ বিহু ভোগালী
বহাগ বিহু ৰঙালী
কৰি যাওঁ ধেমালি
ডালত কপৌ ফুলিলে
ঢোল পেঁপা ঐ বাজিলে
পেঁপাৰ মাতে বলীয়া কৰিলে
নাচি নাচি নাচনী আহিলে
পেপাই মাতে তিহিঁতি
নাচি থাকা ভনিটী
নাচনী অঐ
নচুৱাই থাকিবৰ মন।
(৫৬)
সবাতকৈ শুৱনী
হলি ঐ চেনেহী
ললি গুণেশ্বৰী নাম
দিনে ৰাতি কৰি
ঈশ্বৰক খাটিছো
তোকে কেনেকৰি পামে ঐ
নৈ পানী ঐ বঢ়া নাই ঐ
কুলিৰ মাতো শুনা নাই ঐ
শুনা নাই ঐ কেতেকীৰ
মাতে হেৰা অঞ্জনা
কলে জানো বুজিবা
হাঁহিবা নে কান্দিবা
মোৰে দুখৰ বেদনা॥
(৫৭)
বিহুৰে বিৰিণা
পাতে সমনীয়া
বিহুৰে বিৰিণা পাত
বিহু থাকে মানে
বিহুকে বিনাবা