এই পৃষ্ঠাটোৰ বৈধকৰণ হৈছে
চাই থাকিবলৈ শিকিলোঁ
বাটে-ঘাটে সীতাৰ হৰণ
দুই হাত-ভৰি বন্দী মোৰ
ফুট্ পাথত পংগু ভিক্ষাৰীৰ কান্দোন
মোৰ জেপ খালি
অনাথ আশ্ৰয়ত ভোকাতুৰৰ কিৰিলি
নিজে পেট পূৰাই এসাঁজ খোৱা নাই
অসুৰে বিস্ফোৰণ ঘটায়
মিলিজুলি শৱদাহ কৰোঁ
ৰাজ-আলিত বৃদ্ধ পিতৃৰ আৰ্তনাদ
দায়িত্ব পালন কৰিবলৈ সময়ৰ অভাৱ
ৰক্ষকেই ভক্ষক
বনকৰা কিশোৰীৰ মাংসই বৈৰী
ঋণত পোত যোৱা কৃষকৰ আত্মহত্যা
দেশৰ অভিশাপ দৰিদ্ৰতা শেষ হওক
শিক্ষিত নিবনুৱাৰ অৰণ্যলৈ গমন
বন্দুকৰ মাতত ৰাতি নুপুৱায়
প্ৰস্তৰ যুগত কান্দোনবোৰ লতা হৈ বগাইছে
মই ওখ খুঁটা হৈ ৰৈ দিছো
মোৰ গাত অস্ব লতা
প্ৰকাশঃবাহী, ৮-১-২০১৭
বিশ্বাসৰ বনানীকৰণ। ৭১
