এই পৃষ্ঠাটোৰ বৈধকৰণ হৈছে
(৪)
ভাৰ হৰণৰ হেতু হইব সব কাম।
দ্বিজ উমাকান্তে কহে বোলা ৰাম ৰাম॥
⸻৹⸻
পদ।
শুনা সভাসদ গণ স্বৰ্গৰ কথন।
ৰাৱণে কৰিছে ধ্বংস স্বৰ্গৰাজ্য খান॥
প্ৰতি দিনে প্ৰজা শাস্তি অনেক কৰয়।
মৰো জীবোঁ কৰি কতো আটাস পাৰয়॥
ম'ৰে কিল ভুকু কাৰো প্ৰাণক মাৰয়।
নানা মতে প্ৰজা শাস্তি ৰাৱণে কৰয়॥
প্ৰজা সবে তাৰ ভৰ সহিব নোৱাৰি।
দেব সমে যুক্তিকৰি চিন্তে দেৱহৰি॥
গুণি গাণ্ঠি কৰিব নোৱাৰি মন থিৰ।
ব্ৰহ্মাৰ পাশক লাগি গৈলা ধীৰে ধীৰ॥
মেৰুৰ ওপৰে আছে ব্ৰহ্মাৰ ভবন।
তাক দেখি কৌতুহল ভৈলা দেবগণ॥
বসি আছে ব্ৰহ্মা তাত পদ্মাসন ধৰি।
নিবীৰ আসনে মাধৱক ধ্যান কৰি॥
সবে হন্তে লৈলা যাই ব্ৰহ্মাত শৰণ।
দণ্ডৱতে প্ৰণামিলা ব্ৰহ্মাৰ চৰণ॥
