এই পৃষ্ঠাটোৰ বৈধকৰণ হৈছে
(২)
যাৰ লীলা বিভবৰ নাহি পাৰাবাৰ।
হেনসে কৃষ্ণৰ পদে শত নমস্কাৰ॥
নমো নিৰাময় নিৰঞ্জন ভৱহাৰী।
নমো নমো বাসুদেৱ ভক্ত ভয়হাৰী॥
তযু লীলা বুজিবাৰ শকতি কাহাৰ।
অনন্তেয়ো নপায় যাৰ মহিমাৰ পাৰ॥
তুমি স্ৰজি আছা চৰাচৰ জীৱ ৰাশি।
সন্তক পালাহা প্ৰভু দুষ্টক বিনাশি॥
হে প্ৰভু দয়াময় কমল লোচন।
দয়া কৰি ত্ৰৈলোক্যক কৰাহা পালন॥
মই অতি মূঢ় মতি নজানো ব্যাখ্যান।
বহু ভয়ে তযু লীলা কহো অল্পমান॥
মই অতি অল্প মতি নেজানো ভকতি।
নিজ গুণে তুষ্ট হোৱা দেৱ যদুপতি॥
তোমাৰ অপাৰ গুণ কোনেনো কহিব।
দৈবেও নোৱাৰে যাক নৰে কি কহিব॥
ব্যাস আৰু বাল্মীকি প্ৰভৃতি কবিগণ।
আদ্য গুৰুবন্দো পিতৃ মাতৃৰ চৰণ॥
সৰস্বতী মাৱক কৰিয়া নমস্কাৰ।
বাৰাহ চৰিত্ৰ পদ কৰিবো প্ৰচাৰ॥
বাৰাহ নামক প্ৰভু লৈলা কিকাৰণ।
মাধৱৰ স্থানে যাই দেব কিকাৰণ॥
