এই পৃষ্ঠাটোৰ বৈধকৰণ হৈছে
একাদশ অধ্যায়।
⸺:✱:⸺
কৃৎ প্ৰকৰণ।
বাচ্য।
১। বাচ্য মুঠত ছবিধ— প্ৰত্যয়ৰ বাচ্য আৰু বাক্যৰ বাচ্য।বাক্যৰ বাচ্য সম্বন্ধে পাচত কোৱা যাব।
২। যি অৰ্থত ধাতুত কৃৎ প্ৰত্যয় (তলত চোৱাঁ) যোগ দিয়া হয়, তাক প্ৰত্যয়ৰ বাচ্য বোলে।
৩।প্ৰত্যয়ৰ বাচ্যও দুবিধ—ভাববাচ্য আৰু কাৰক- বাচ্য। কাৰক ছবিধ। এতেকে কাৰক বাচ্যও ছবিধ—কৰ্ত্তৃবাচ্য, কৰ্ম্মবাচ্য, কৰণবাচ্য, সম্প্ৰদানবাচ্য, অপাদানবাচ্য আৰু অধিকৰণবাচ্য।
ভাববাচ্য—যি বাচ্যত ধাতুৰ অৰ্থটো মাথোন প্ৰকাশ পায়, তাক ভাব বাচ্য বোলে। যেনে, গম্ ধাতু, ভাব বাচ্যত অনট্ প্ৰত্যয়, গমন = যাৱন।
কৰ্তৃবাচ্য—যি বাচ্যত কৰ্ত্তা কাৰকৰ অৰ্থ প্ৰকাশ পায়, তাক কৰ্তৃবাচ্য বোলে। যেনে, দা ধাতু, কৰ্তৃবাচ্যত তৃ প্ৰত্যয়,
প্ৰথমাৰ একবচন দাতা = দিওঁতা।
