এই পৃষ্ঠাটোৰ বৈধকৰণ হৈছে
অসমীয়া ভাষাৰ
বহল ব্যাকৰণ।
প্ৰথম অধ্যায়।
ভাষা আৰু ব্যাকৰণ।
মানুহে নানা উপায়েৰে নিজৰ মনৰ ভাব আনৰ আগত প্ৰকাশ কৰে, কেতিয়াবা আকাৰে ইঙ্গিতে, কেতিয়াবা ঠাৰে চিয়াৰে প্ৰকাশ কৰে, কেতিয়াবা আকৌ নানা প্ৰকাৰ শব্দ উচ্চাৰণ কৰি প্ৰকাশ কৰে।
১। এজনে নিজৰ মনৰ ভাব আন এজনৰ আগত নানা প্ৰকাৰ শব্দ উচ্চাৰণ কৰি প্ৰকাশ কৰিলে, তাক ভাষা বোলা যায়।
২। যি পুথি পঢ়িলে কোনো এটা ভাষাত শুদ্ধৰূপে কথা কবলৈ আৰু লিখিবলৈ শিকিব পাৰি, তাক সেই ভাষাৰ ব্যাকৰণ বোলে।
