এই পৃষ্ঠাটোৰ বৈধকৰণ হৈছে
১৫
বলাই বিহুলী
পোন প্ৰথমতে ধৰ্ম্মৰ গীতেৰে
ঢোলত কিৰিলি দিয়ে,
ওজাৰ পাচতে দীঘলীয়া সুৰে
পালিবোৰে টানি নিয়ে।
জয় জগন্নাথ হৰি-
জয় জগন্নাথ”
ইয়াকে জোৰণি কৰি লই পাচে
কীৰ্ত্তন মিলাই দিয়ে,
ঘৰ ঘৰোৱাহী সকলো জনৰে
মন প্ৰাণ টানি নিয়ে।
কৃষ্ণাই পদূলিত বকুল ফুলে জুপি
নিয়ৰ পাই মেলিলে পাহি ঐ গুবিন্দাই ৰাম”
ই কুটৰ পাছে সি কুট লগাই
কেনে যে শুৱলা টান,
তাৰ মাজে মাজে ঢোল চেৱে চেৱে
দিয়েহি ঢুলীয়া মান।
