এই পৃষ্ঠাটোৰ বৈধকৰণ হৈছে
৫৪
বব্ৰুবাহ পৰ্ব্ব
এহি বুলি ধনুখান ধৰি নৃপবৰ।
প্ৰৱন্ধে মাৰিলা যুৰি অৰ্দ্ধচন্দ্ৰ শৰ॥২৬১
বৃষকেতু দেখে আসে অৰ্ধচন্দ্ৰ বাণ।
দুই বাণ মাৰি কৰিলন্ত তিনি খান॥
বৃষকেতুৰ পতন আৰু অৰ্জ্জুনৰ বিষাদ
শৰভঙ্গ দেখিয়া খঙ্গিলা নৃপবৰ।
সুৱৰ্ণ ৰচিত আনি যুৰিলন্ত শৰ॥ ২৬২
সুৱৰ্ণৰ পখাসবে সুৱৰ্ণৰ কাণ।
হেন শৰ জুৰি ৰাজা কৰিলা সন্ধান॥
শৰ দেখি বৃষকেতু ভৈলা মহাভয়।
এবেসে জানিলো মৃত্যু হৈবেক নিশ্চয়॥২৬৩
মাধৱ গোবিন্দ জনাৰ্দ্দন বাসুদেৱ।
তুমি বিনে আমাৰ যে গতি নাহি কেৱ॥
এতেক বোলন্তে আসি পাইলা নাগ বাণ।
তেতিক্ষণে গাণ্ডী মুণ্ড কৰিলা দুখান॥২৬৪
শৰচোটে মুণ্ডগোট আকাশে উৰিলা।
বব্ৰুবাহ ৰাজাৰ যে হিয়াত পৰিলা॥
ছোট পায় নৃপতি পৰিল ৰথমাজে।
বুৰিল বুৰিল বুলি চেঞ্চাৱে সমাজে॥২৬৫
দুই হাতে মুণ্ডগোট পেলাইলা ৰাজাই।
অৰ্জ্জুনৰ পাৱত পৰিলা সমুদায়॥
