এই পৃষ্ঠাটোৰ বৈধকৰণ হৈছে
প্ৰতিধ্বনি
(৭৯)
চিৰ যুগে হাঁহি-মুখে থাক আই সুখে তুলি শিৰ
নীল-শৈল—শিখৰিণী কামৰূপ ধৰিত্ৰীৰ!
ধনে ধানে পথাৰ ভৰা, ফলে ফুলে জলমল,
কলকণ্ঠে নিজৰ জৰে-ছন্দ-ব্যাকুল সুশীতল,
কুঞ্জ-বনৰ তন্দ্ৰা ভাঙি বিহগে গায় আৰতি
—গন্ধে গীতে ধূপে দীপে পূজে নিতে প্ৰকৃতি।
আজিও তোৰ বীণাৰ ধ্বনি দিগ্-দিগন্তে উল্লাসিত,—
তীৰ্থ আই মোৰ, ধিয়ান আই মোৰ,
স্বপ্ন আই মোৰ উদ্ভাসিত!
জিলিকিছে বুৰঞ্জীত তোৰ কত কীৰ্ত্তি কাহিনী,—
—গৰবিনী গিৰিৰাণী যশ-পূণ্য-বাহিনী!
⸺⸺
১৮৫৪ শক |
