এই পৃষ্ঠাটোৰ বৈধকৰণ হৈছে
প্ৰতিধ্বনি
(৭২)
লগ্ন উকলি যায়,—
লগ্ন উকলি যায়,—
আৰু নো শোৱাৰ সময় তোমাৰ
আছে নে ডেকা ভাই?
শতুৰে শিঙা বজায়;—
ৰবানে টোপনি যাই
আগত বিশাল সমৰ ক্ষেত্ৰ—
—দুহাত সাৱটি চাই!
নহয় জীৱন ৰূপৰ সপোন,—
(ই যে) কৰ্ম্মৰ উতলা ধল,
জীৱন তোমাৰ মুক্তি-যুঁজৰ
শুদ্ধি-ব্ৰতৰ থল;—
জীৱন তোমাৰ দীপক-বীণাৰ
মন্ত্ৰ-সাধন-গান,
সিদ্ধিৰ কাৰণে ৰক্ত তোমাৰ
কৰিব লাগিব দান।
কৰিব লাগিব দান,
দেশৰ কাৰণে দহৰ কাৰণে ৰক্ত লাগিব দান।
⸺
১৮৫৯ শক |
