এই পৃষ্ঠাটোৰ বৈধকৰণ হৈছে
প্ৰতিধ্বনি
(৬৯)
ঘাটত বহি হাত সাৱটি ৰবি কিমান চাই?
—অনন্ত যে কৰ্ম্ম-সুতি আগেদি বৈ যায়;—
হেৰ, ৰবি কিমান চাই?
খলক লাগে বিশ্বজগত
খলক লাগে পাৰ,
কেউফালে ঢৌ থৌকি বাথৌ উঠে উজাৰ খাই;—
হেৰ, ৰবি কিমান চাই?
আছেনেকি সময় আৰু ভাগৰ জিৰাবৰ?
ধাৰত পাৰি দে নাও, বলেৰে গোৰ ধৰ;—
গুণি গাঁথি থাকিবিনে ভাগ্যকে ধিয়াই
হেৰ, ৰবি কিমান চাই?
মুকলি হ’ল মৰা সুতি খুলিল ধাৰৰ মুখ,
উৰি আহিল মুক্ত বতাহ, আহিল সত্য যুগ;—
দীন দুখীয়া বুঢ়া-জৰা সৱেও দিলে উক—
আৰু ৰবি কিমান চাই?
⸺⸺
১৮৫১ শক |
