এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
(১৪)
শুনোঁ হাহাকাৰ চৌদিশে
অশান্ত জন্মভূমি
সমাজ আকাশ ধোঁৱাময় আজি
উঠে জুইশিখা জ্বলি॥
০ ০ ০
অগনি জ্বলাই শান্তিভূমিত
দূৰণিত সৌৱা কোন?
দহন জাৰণ যন্ত্ৰণা চাই
মিচিকি হাঁহিছে চোন,
সৌ চোৱা সৌ মুখাৰ আঁৰত
চাই আছে জুমি জুমি॥
০০০
সমাজত জুই জ্বলোৱা জনক
বধ কৰোঁগৈ আহ
দুখীয়াক লৈ খেল খেলোঁতাক
নাশ কৰোঁগৈ আহ,
দুৰ্ব্বৃত্ত নাশ হ’লেহে
সমাজ আকাশ ফৰকাল হ’ব।
উৰিব কপৌজনী॥*
⸻
- সুৰাৰোপিত আৰু প্ৰচাৰিত
[২৬]