এই পৃষ্ঠাটোৰ মুদ্ৰণ সংশোধন কৰা হৈছে
গীতি-মালা
( ৪৯ )
ধলৰে সোঁততে নাওঁ মেলো বুলি,
নাও মেলো বুলি,
ফুকনে তৰিলে পালে মোৰ গুৰু ঐ
ফুকনে তৰিলে পাল,
অ’ বান্ধৈ!
নাৱতে উঠিলে আই মোৰ গোসানী,
আই মোৰ গোসানী,
মোমায়ে ধৰিলে আলে, মোৰ গুৰু ঐ,
মোমায়ে ধৰিলে আল।
অ' বান্ধৈ!
মোমাইৰে ভৰতে নাও বুৰু বুৰু,
নাও বুৰু বুৰু,
পালেহি পছোৱা কাল,
‘আইতকৈ ডাঙৰ মোৰ, নহয় মোমাই বুলি’
চেনেহৰ ছিঙিলে জালে, মোৰ গুৰু ঐ
চেনেহৰ ছিঙিলে জাল।
⸻