এই পৃষ্ঠাটোৰ বৈধকৰণ হৈছে
পাপৰি
( ৯ )
কিয়, ক’তা তেতিয়াতো নকঁপিলে বুকু মোৰ;
শুনিছিলো, শুনি মাথো লাগিছিল ভাল,
নোৱাৰিলে, নিব কেৱে তুলি সেই তৰঙ্গত,
নচলিল নাও মোৰ, নলৰিল পাল!
( ১০)
আজি শৰতৰ এই মধুৰ মাধবী নিশা
টানি নিছে প্ৰাণ মোৰ নেজানো কলই
—হোৱা তুমি যেয়ে হোৱা, নিয়া টানি টানি নিয়া
যোৱাতো মাধুৰী আছে লক্ষ্যহীন হই!
(১১)
কৈশোৰত দেখিছিলো, স্বভাৱ-চপলা বালা
আপোনাৰ খেলা খেলি আপুনি মগন,
বুকুৰ কবিতা কলি নুফুলিলে, নেদেখিলো,
নেদেখিলো ছঁয়াময়া লাজুকী বৰণ!
[৪]