এই পৃষ্ঠাটোৰ বৈধকৰণ হৈছে
৫৮
চণ্ডিকাখ্যান
নৃপতি তোমাৰ, আগত প্ৰচাৰ,
কৰিলো কথা সমস্ত৷৷
গৌৰ দেহ ধৰি, জগত ঈশ্বৰী,
পুনশ্চ অসুৰ নাশ।
কৰিলা যিৰূপে, ত্ৰৈলোক্য ৰক্ষাৰ্থ,
তোমাত কৰো প্ৰকাশ।
দেবী দয়াময়ী, দানৱ নাশিনী,
দেৱতাৰ হিতৈষিণী।
দুৰন্ত দানৱ, কৰিলা নিহত,
নমো নমো নাৰায়ণি৷৷
শুনা সবে নৰ, মহিষা সুৰৰ,
বধে ইটো দেৱস্তুতি।
ৰোগ শোক তাপ, দূৰ হয় পাপ,
অন্তে দুৰ্গা পদে গতি৷৷
অসাৰ সংসাৰ, শোক মাত্ৰ সাৰ,
জানাহা সমস্ত জনে।
ত্যজি আন কাম, সবে দুৰ্গা নাম,
লোৱা কীৰ্ত্তি চন্দ্ৰে ভনে৷৷
⸻০⸻
