এই পৃষ্ঠাটোৰ বৈধকৰণ হৈছে
৫৭
চণ্ডিকাখ্যান
দেবি মহেশ্বৰি, যদি দয়া কৰি,
দিবাহা আমাক বৰ।
সুমৰিলে যেন, বিপদ কালত,
কৰিবা ৰক্ষা আমাৰ৷৷
যদি কোনো নৰে, আমাৰ স্তুতিৰে,
তোমাক কৰে স্তবন।
তাৰ ধন জন, ভাৰ্য্যাপুত্ৰ গণ,
সম্পদ হৌক বৰ্দ্ধন৷৷
এহি মাত্ৰ বৰ, সমীপে তোমাৰ,
প্ৰাৰ্থনা দেবি আমাৰ।
কৰা অনুগ্ৰহ, জগতৰ মাৱ,
প্ৰণাম পাৱে তোমাৰ৷৷
দেৱতা সকলে, জগত হিতাৰ্থ,
দেবীক কৰিলা তুষ্ট।
কৰি আতি দয়া, তথাস্তু” বুলিয়া, (৫)
ভৈলা দেবী অন্তৰ্হিত৷৷
তেজে দেৱতাৰ, উৎপত্তি দেবীৰ,
ত্ৰৈলোক্যৰ ভাবিহিত।
_____________________________________
(৫) তথাস্তু, সেয়ে হউক।
