এই পৃষ্ঠাটোৰ বৈধকৰণ হৈছে
৫৬
চণ্ডিকাখ্যান
সমস্ত ত্ৰিদশে, আতি ভক্তিভাৱে,
দুৰ্গাক কৈলা প্ৰণাম।৷
স্তুতি নতি ভক্তি, দেখি ভগৱতী,
ইন্দ্ৰ আদি দেৱতাৰ।
হৈয় সুপ্ৰসন্না, বুলিলা অম্বিকা,
বচন আতি মধুৰ।৷
স্তুতিত সন্তোষ, সবে দেৱতাৰ,
ভৈলো মই দেৱগণ।
লোৱা সবে বৰ, ইচ্ছা যোহি যাৰ,
কৰোহোঁ ইচ্ছা পূৰণ।৷
দেবীৰ বচন, শুনি দেৱগণ,
পৰম হৰিষ মনে।
কৰি কৰযোড়, বুলিলা বচন,
প্ৰণামি দেবী চৰণে॥
দেবী ভগৱতী, আমাৰ অৰাতি,
দুৰন্ত মহিষা সুৰ।
বিনাশি তাহাক, ৰাখিলা আমাক,
আৰু কিবা আছে বৰ ৷৷
______ _____________ ________
(৪) অৰাতি শত্ৰু।
