এই পৃষ্ঠাটোৰ বৈধকৰণ হৈছে
৪৮
চণ্ডিকাখ্যান
শুনা সভাসদ, চণ্ডিকাৰ পদ,
মহিষ অসুৰ বধ।
ইহাক শ্ৰবণ, কৰিলে কীৰ্ত্তন,
লভিবা সৰ্ব্ব সম্পদ॥
⸺∘:∘⸺
সৰ্ব্বদেব দেবী ৰূপা তুমি ভগৱতী।
তোমাবিনা মানবৰ নাই আন গতি॥
⸻⸻
পদ।
মেধস বদতি শুনা সুৰথ নৃপতি;
মহিষাসুৰক বধিলন্ত ভগৱতী।
আৰু তাৰ যত সেনা অছিলা তথাত
সমস্ত হইলা হত দেবীৰ কৃপাত॥
অনন্তৰে ইন্দ্ৰ আদি যত দেবগণে;
দেবীক কৰিলা স্তৰ পুলকিত মনে।
নত ভাবে জানুপাৰি হুয়া কৃতাঞ্জলি ,
ভক্তিভাবে দেবগণে আৰম্ভিলা স্তুতি॥
হে দেবি পৰমেশ্বৰী অখিল জগত;
ব্যাপি আছা তুমি নিজ শক্তিৰ বলত।
