এই পৃষ্ঠাটোৰ বৈধকৰণ হৈছে
২০
চণ্ডিকাখ্যান।
বধিলা অসুৰ দেব দামােদৰ
চণ্ডীৰ শকতি পায়॥
⸺∘⸺
দুলড়ি।
ঋষি নিগদতি, শুনা নৰপতি,
নিদ্ৰাৰূপা সনাতনী।
ব্ৰহ্মাৰ স্তুতিত, লভিলা সন্তোষ,
সাক্ষাতে ভৈলা আপুনি॥
জগতৰ পতি, বিষ্ণু মহামতি,
বধোক ঘোৰ অসুৰ।
এহি বুলি দেবী, বিষ্ণু দেহ হন্তে,
নিৰ্গত ভৈলা সত্বৰ॥
নেত্ৰ মুখ নাসা, হৃদয়ৰ পৰা,
যোগনিদ্ৰা বিশ্বেশ্বৰী ।
তেজিল যেখানে, বসিলা তেখনে,
অনন্ত শয্যাত হৰি॥
প্রলয় জলত, অসুৰ দুগোট,
ব্রহ্মাক বধিব মনে।
কৰন্ত উদ্যম, মহা পৰাক্ৰম,
দেখিলন্ত নাৰায়ণে॥
