এই পৃষ্ঠাটোৰ বৈধকৰণ হৈছে
২৯
পদ্যাৱলী।
( ১৪ )
ডিউক জীৱিত জানি পলায়িত সৈন্য,
ঘূৰি চাই ৰণ-স্থলী, তিষ্ঠিয়ে কিঞ্চিত বেলি,
বাহুৰিল আৰুবাৰ, ঘৃণি নিজ দৈন্য,
জিনি ৰণ, নায়কৰ পাব খ্যাতি ধন্য।
( ১৫ )
আবেলি ৰণক্ষেত্ৰ দুগুণে কঁপাই,
বাজিল সমৰ ডঙ্কা, ভাৱিলে ইংৰাজে শঙ্কা,
গালে ডিউকৰ জয়, নৰ্ম্মাণে ঘনাই,
কাটিলে হিৰাল্ড-সৈন্য, ভৈয়ামত পাই।
( ১৬ )
দুয়ো দলে ঘোৰ যুজ লাগিল দুনাই,
ধনু কাঁৰ তীৰ লৈ, বিপুল সংগ্ৰাম কৈ,
মৰিল অনেক সৈন্য লেখা জোখা নাই,
তেজেৰে পৰিল সোঁত, চেন্লাক বুৰাই।
( ১৭ )
চতুৰ ডিউকে বুজি সমৰ কৌশল,
প্ৰৱঞ্চিব ইংৰাজক, হল নিজে পলাতক,
সঙ্গে কৰি আপোনাৰ যত সঙ্গীদল,
আনিব নমাই ৰিপু পৰ্ব্বতৰ তল।