এই পৃষ্ঠাটোৰ বৈধকৰণ হৈছে
স্ৰষ্টাৰ মহিমা দেখি জগত পটত,
গায় বিভু-গুণ গান আতি উলাসত।
যোৰহাত বুৰি খাটে “প্ৰভো! দয়াময়,
দেখিছোঁ আবেলি আমি তোমাৰে কৃপায়।
তুমি দেৱ অধিদেৱ জগ-জীৱ-প্ৰাণ,
সদায়ে সুপথে নিয়া আমাসাৰ-মন;
আৰু আপদত যেনে তোমাকে সুমৰো,
তেনে দৰে সম্পদতে যেন নাপাহৰোঁ॥”
⸺*⸺
জন্মভূমি।
( ১ )
স্বদেশে বিদেশে, সকলো ঠাইতে
সকলো সময়ে মই,
একেটি মাথোন, ভাৱ লৈ থাকোঁ
তাতেই বিভোৰ হৈ।
একেটি মাথোন, ছবি-প্ৰতিবিম্ব
হৃদি দৰ্পণত পৰি,
কৰে বিয়াকুল, চাই থাকোঁ তাকে
নিজকে এফাল কৰি।
ভাবোঁ লগে লগে বিশাল বিশ্বত
আছে যদি দিব্য ঠাই,
