এই পৃষ্ঠাটোৰ বৈধকৰণ হৈছে
(১১)
এই সংসাৰত আহি তেঁওক নেজানে।
যি কৰে সকলো সৃষ্টি আছে সৰ্ব্ব থানে॥
যি দিলে মৰম কৰি, ভৰি মুখ হাত।
যাৰ মৰমেৰে শুনে দেখে বোলে মাত॥
সি জনক এডি যিতো আন কথা কয়।
প্ৰকৃত মানুহ সিতে কদাপি ন হয়।
বিঃ।
—
সৎলোকৰ সৰলতা গুণ এডিব
লগা ন হয়।
যাৰ হৃদয় সৰল, যাৰ সত্যতা প্ৰবল,
কৃতঘ্নৰ কাৰ্য্য তেঁও ন হয় বিকল॥
কোন এটা ঢেকুৰায়* চরুহাড়ী লুৰি খায়,
সকলো ন হয় তেনে প্ৰাণ যদি যায়॥
যি পায় উপকাৰ, তাৰ কৰে অপকাৰ,
সকলো কামতে হিতে বিপৰীত তাৰ॥
নানা যুক্তি দেখুৱাই, শাস্ত্ৰে কয় ৰিঙ্গিয়াই,
কৃতঘ্নৰ তুল্য পাপী ভূমণ্ডলে নাই॥
* ঢেকুৰা – দুষ্ট কুকুৰ।
