এই পৃষ্ঠাটোৰ বৈধকৰণ হৈছে
৬৬
নীতিশিক্ষা
৭। আধ্যা।
⸻:০:⸻
নীতিসাৰ।
১। তুমি মিতিৰ-কুটুমলৈ মৰমিয়াল হবাঁ।
২। পিতৃ-মাতৃ আৰু আন আন গুৰুজনক তুমি সততে ভক্তি আৰু মান কৰিবাঁ।
৩। সন্ত লোকে নিজৰ হানি হলেও আনৰে সৈতে কন্দল নাপাতে; কিন্তু মূৰ্খ মানুহে পৰত নাপালে ঘৰতে কন্দল পাতি লয়।
৪। নিজৰ গাত চিকোট্ মাৰি চালেই আনৰ দুখ বুজিব পাৰি; এতেকে, অবাবত কেতিয়াও ইতৰ জন্তুবোৰক দুখ নিদিবাঁ।
৫। ওপৰলৈ পানী ছটিয়ালে সি ঘুৰি গাতে পৰেহি; গতিকে ওপৰীয়াজনক বঢ়া-বচন বুলিলে আপুনি ঘাটি খাব লগা হয়।
৬। উদ্যোগী পুৰুষে লক্ষ্মীৰ কৃপা পায়; এলেহুৱা মানুহে মাথোন দৈৱক ধিয়ায়। এতেকে, নিজৰ শক্তিৰে নিজৰ কাৰ্য্য সিদ্ধি কৰি পুৰুষালি দেখুৱাব লাগে।
৭। যত্ন কৰিলে হে ৰত্ন পায়; বহি থকা মানুহে মুখৰ ভাতো আনক খুৱায়।
