এই পৃষ্ঠাটোৰ বৈধকৰণ হৈছে
৫৯
ৰজা আৰু মকৰা।
টোপাকাঁড় যেন হায়ঁ, উধালে ইবাৰ,
নিমিষে এৰাই দুখ, পালেগই পাৰ;
আপোন জালৰ পুনু আৰম্ভিলে কাম,
অসাধ্য সাধন কৰি লভিলে সুনাম।
দেখি তাকে গদাধৰে গৰজি উঠিলে,—
“ধন্য ইটি ক্ষুদ্ৰ জীৱে অসাধ্য সাধিলে;
মানুহ জনম ধৰি মই অভাজন,
মানিছোঁ নিষ্ফল মোৰ অতনা যতন!”
এনে ভাবি বুকু বান্ধি ৰজা গদাধৰ,
আপোন উদ্দেশ্য চিন্তি উঠিল পুনৰ;
দুঃসাধ্য সাধন কৰি নৰ জনমত,
মৰিও অমৰ হল এই মৰতত!
এতেকে নকবাঁ তুমি “নোৱাৰি কৰিব,
কৰিলে যতন জানাঁ, সকলো সিজিব;
পুনঃ পুনঃ যতনত সাৰ মানি লবাঁ,
মকৰাৰ কথা তুমি সুৱঁৰি চলিবাঁ।
⸻
