এই পৃষ্ঠাটোৰ বৈধকৰণ হৈছে
দুলড়ী
শুনা সভাসদ ভাগৱত পদ
হুয়া আতি নিশবদ। .
পাপ হোৱে ক্ষয় মিলে মহোদয়
খণ্ডয় দুখ আপদ॥
আছে পূণ্য যাত কৃষ্ণৰ কথাত
সিজনেসে পাতে কাণ।
সূচী যেন তাৰে শুনিবে নপাৰে
পাতকী যিটো প্ৰধান॥২৫৫
সেহিসে অসুৰ সেহিসে পশুৰ
সদৃশ জীৱন ধৰে।
কৃষ্ণক নভজি অমৃতক তেজি
যেন বিষ ভুঞ্জি মৰে॥
আবে বুদ্ধ লোক যাইবা পৰলোক
কোন গতি হৈব পাছে।
কৃষ্ণৰ চৰণ কৰিয়ো স্মৰণ
যাৱত চেতন আছে॥২৫৬
ছাৰি আন কাম কৃষ্ণ গুণ নাম
বুলিয়ো বাক্য প্ৰকাশি।
এতেকে সহায় হৈব যদুৰায়
মৰণ শঙ্কটে আসি॥
