এই পৃষ্ঠাটোৰ বৈধকৰণ হৈছে
১১
নৱসিদ্ধ সংবাদ
হেন জানি হুয়ো নৰ কৃষ্ণত সম্মুখ।
পাসৰা কিমতে যম যাতনাৰ দুখ॥ ৫২
কলিৰ পাতকে আছে চতুৰ্ভিতি বেঢ়ি।
ডাকি ৰাম ৰাম বোলা যাওক সবে এৰি॥
মহৰ্ষি কবিৰ মহাভাগৱত ধৰ্ম্ম কথন
দুলড়ি
কবি নিগদতি, শুনিয়ো নৃপতি,
কহোঁ বেদান্তৰ তত্ত্ব।
স্বভাৱে যিকৰে, দান হোম মহা
তপ জপ তীৰ্থ ব্ৰত॥
কায় বাক্য মনে, যতেক আচৰে
লৌকিক বৈদিক কৰ্ম্ম।
হুয়া একমত, ঈশ্বৰ কৃষ্ণত,
অৰ্পিব সিসৱ ধৰ্ম্ম॥ ৫৩
নিত্য নৈমিত্তিক, যত জাতিধৰ্ম্ম
আশ্ৰমৰ যত কৰ্ম্ম।
কৃষ্ণত অৰ্পিলে, জানা সিয়ো হোৱে
মহাভাগৱত ধৰ্ম্ম॥
